Dagsetning
26. október
kl. 14:00-18:00
Aðgangseyrir
Nei
Upplýsingar um viðburð eru á ábyrgð skipuleggjanda

Danska nýbylgjan - málþing

Norræna húsið, Höfuðborgarsvæðið

Stofnun Vigdísar Finnbogadóttur í erlendum tungumálum og Norræna húsið efna til málþings um nýsköpun í danska kvikmyndageiranum í tilefni af 100 ára afmæli fullveldis Íslands.

Það vakti athygli þegar kvikmyndin Vetrarbræður eftir Hlyn Pálmason sópaði að sér öllum helstu verðlaunum í Danmörku fyrr á þessu ári: Níu Robert verðlaunum og tvennum Bodil verðlaunum. Kvikmyndin er styrkt af New Danish Screen (undirdeild Dönsku Kvikmyndamiðstöðvarinnar) sem hefur það hlutverk að þróa ungt hæfileikafólk og stuðla að nýsköpun í kvikmyndageiranum.

Hjá New Danish Screen fær kvikmyndagerðarfólk tækifæri til að framleiða „low-budget“ kvikmyndir, þar sem fjárhagslegar takmarkanir eru ekki aðþrengjandi skilyrði, heldur aðferð til að hámarka sköpun og frelsi. Árangurinn hefur verið stórbrotinn og sjaldan hefur listræn gróska verið jafn mikil í danskri kvikmyndagerð og um þessar mundir. Hver kvikmyndin á fætur annarri hefur farið sigurför um heiminn og nýlega var Den Skyldige (The Guilty) valin sem framlag Danmerkur til Óskarsverðlaunanna.

Á málþinginu gefst áhugasömum kostur á að kynnast þessu brautryðjendastarfi. Mette Damgaard-Sørensen, forstöðumaður New Danish Screen, mun halda erindi um hugmyndafræði og aðferðir sjóðsins og einnig munu leikstjórar og framleiðendur kvikmyndanna Cutterhead og Neon Heart fara ofan í saumana á þróun og framkvæmd verka sinna. Stjórnandi málþingsins er Dagur Kári, leikstjóri og handritshöfundur.

Samhliða málþinginu mun Bíó Paradís sýna umræddar kvikmyndir. 

 DAGSKRÁ MÁLÞINGSINS:

14:00-15:00    Mette Damgaard-Sørensen, framkvæmdastjóri New Danish Screen

15:00-15:15    Hlé

15:15-16:30    Cutterhead - Rasmus Kloster Bro, leikstjóri

16:30-16:45    Hlé

16:45-18:00    Neon Heart - Laurits Flensted, leikstjóri og Julie Walenciak, framleiðandi

 Málþingið fer fram á ensku. Enginn aðgangseyrir og allir velkomnir.

The Vigdís Finnbogadóttir Institute of Foreign Languages and The Nordic House, invite you to a Seminar on the innovation of the Danish New Wave of Cinema. The seminar is a part of a programme organized all over Iceland throughout 2018 to celebrate the centenary of Icelandic independence and sovereignty. Icelandic director/screenwriter Dagur Kári will moderate the seminar. Parallel to the seminar, Bíó Paradís will be screening a selection of Danish New Wave films, including "Cutterhead", "Neon Heart" and "Den Skyldige" („The Guilty") which has been selected as Denmark's submission for the Academy Awards' Foreign-Language category. SEMINAR PROGRAMME: 14:00-15:00 Mette Damgaard-Sørensen, Artistic Director, New Danish Screen 15:00-15:15 Break 15:15-16:30 "Cutterhead" - Rasmus Kloster Bro, director 16:30-16:45 Break 16:45-18:00 "Neon Heart" - Laurits Flensted, director, and Julie Walenciak, producer The seminar will be in English. Free admission and all are welcome.

Efst á baugi