Dagsetning
21. nóvember
kl. 17:00-18:15
Upplýsingar um viðburð eru á ábyrgð skipuleggjanda

Fullveldi Íslands í 100 ár: Hugsjón og reynd

Norræna húsið, Höfuðborgarsvæðið

Sagnfræðistofnun Háskóla Íslands, Sögufélag og Háskólinn í Reykjavík efna til fundaraðar í nóvember með yfirskriftinni Fullveldi Íslands í 100 ár: Hugsjón og reynd. Tilgangur fundanna er að taka til umræðu fullveldishugmyndina í íslenskum stjórnmálum, þýðingu fullveldis fyrir samfélagsþróun á Íslandi og spurninguna um hvort þrengt hafi verið að fullveldi Íslands á síðustu áratugum. Fundaröðin tengist útgáfu bókarinnar Frjálst og fullvalda ríki: Ísland 1918-2018 sem kemur út 8. nóvember. Sögufélag gefur bókina út í samstarfi við Afmælisnefnd aldarafmælis sjálfstæðis og fullveldis Íslands. Í henni eru 10 greinar eftir 13 höfunda, lögfræðinga, sagnfræðinga og stjórnmálafræðinga sem skoða fullveldið frá ólíkum fræðilegum sjónarhornum.

Fundirnir eru þrír og eru haldnir í Norræna húsinu. Þátttakendur flytja stuttar framsögur og síðan eru almennar umræður.

21. nóvember Fullveldi: Hvað er það?

Er til ein kjarnamerking hugtaksins fullveldi eða eru skoðanir skiptar um inntak þess? Hefur fullveldishugtakið breyst síðan 1918? Er skilningur Íslendinga á fullveldishugtakinu frábrugðinn því sem gerist í nágrannalöndum?

Þátttakendur: Guðmundur Hálfdanarson, prófessor í sagnfræði, Ragnhildur Helgadóttir prófessor í lögum, Birgir Ármannsson alþingismaður og Magnús K. Hannesson lögfræðingur.

 Fundarstjóri: Eiríkur Bergmann Einarsson, prófessor í stjórnmálafræði

Efst á baugi