Dagsetning
1. desember
kl. 20:00-22:00
Skipuleggjendur
Aðgangseyrir
Upplýsingar um viðburð eru á ábyrgð skipuleggjanda

Fullveldiskantata

Hamraborg, Hof Akureyri, Norðurland eystra

Fullveldiskantatan er nýtt verk í söngleikjastíl eftir Sigurð Ingólfsson og Michael Jón Clarke. Aðalahlutverk Stebbi Jak, Þórhildur Örvarsdóttir og Gísli Rúnar Víðisson ásamt öðrum. Einnig Hymnodia, Sinfóníuhljómsveit Norðurlands, ungmennakór og ungir strengjaleikarar. 

Verkið er ljóðræn útfærsla á þeim breytingum sem verða hjá þjóðinni frá því að hún byrjar að líta hugdjarfari en fyrr til framtíðar, losa af sér hlekki og „klakabönd“ fortíðar. Þar er rakið, án þess að um beina sagnfræði sé að ræða, vegferð og hugarfarsbreytingar á tiltölulega stuttu en gríðarlega mikilvægu og kraftmiklu tímabil í lífi þjóðar, frá fullveldi til lýðveldis. Hver einsöngvari hefur sitt hlutverk sem ekki verður uppljóstrað hér en á vissan má segja að um sé að ræða einkasamtal þjóðarinnar við þrjá einstaklingshluta þjóðarinnar.

Stjórnandi er Michael Jón Clarke. MAK, Menningarfélag Akureyrar, styður flutninginn í Hamraborg í Hofi á 100 ára afmælisdegi fullveldisins 2018.

Efst á baugi