Dagsetning
1. desember
kl. 17:00-19:00
Aðgangseyrir
Nei
Upplýsingar um viðburð eru á ábyrgð skipuleggjanda

Heimildamyndin Útvörðurinn sýnd í Bíóhúsinu á Selfossi

Bíóhúsið á Selfossi, Suðurland og Suðurnes

í tilefni aldarafmælis, sjálfstæðis og fullveldis Íslands er boðið á sýningar á heimildamyndina ÚTVÖRÐINN í Bíóhúsinu Selfossi. Sýningarnar verða 1., 2. og 3. desember nk. og hefjast kl. 17:00. Útvörðurinn er mynd eftir Gunnar Sigurgeirsson um SIGURÐUR PÁLSSON bónda, safn- og vitavörð á Baugsstöðum. Sigurður er samofinn sögu staðarins, Rjómabúsins og Knarrarósvita. Hann er fróður á sagnaslóðum við ströndina frá Loftstaðarhól að Fornu-Baugsstöðum.

Í myndinni er sagt frá, sjósókn frá Loftstaðasandi, Þuríði-Formanni, Flóaáveitunni og sjávarflóðum á Eyrum. Þá er og sagt frá Landnámsmönnum, þjóðtrúnni og Galdra-Ögmundi. Einnig koma stríðsárin og Kaldaðarnesflugvöllur við sögu svo og Vormenn Íslands og mannlífið í Flóanum. 
Kvikmyndin er eftir Gunnar Sigurgeirsson, tónlist Hilmar Örn Hilmarsson og kvæðamaður og þulur Steindór Andersen. 

Hér er hægt að sjá stiklu úr myndinni: https://www.youtube.com/watch?v=FFL9v-2qe9I&feature=youtu.be