Dagsetning
11. október
kl. 20:00-23:00
Aðgangseyrir
Upplýsingar um viðburð eru á ábyrgð skipuleggjanda

Hvað er að gerast í íslenskri tónlist? Djasskvöld

Hotel Cecil, Kaupmannahöfn, Erlendis

Sendiráð Íslands í Kaupmannahöfn býður, í samvinnu við Útón, upp á tvö kvöld með íslenskri tónlist í Kaupmannahöfn í tilefni af hátíðarhöldum tengdum aldarafmæli Fullveldis Íslands. 

11. og 12. október mun einvala lið íslenskra tónlistarmanna leggja undir sig tónleikastaðinn Hotel Cecil í Kaupmannahöfn. Í boði verður þverskurður af því sem íslensk tónlistarsena býður upp á um þessar mundir.

Fyrra kvöldið, 11. október, er tileinkað íslenskri djasstónlist, en þá stíga liðsmenn hljómsveitarinnar AdHd ásamt Tríói Tómasar R. Einarssonar á stokk.  AdHd er þekkt fyrir skapandi og líflega framkomu og Tómas R., sem getið hefur sér gott orð í Danmörku, mun bjóða upp á á suður-amerískan djass ásamt Sigtryggi Baldurssyni, fyrrum Sykurmola, og Ómari Guðjónssyni, gítarleikara með meiru.

Blómleg og fjölbreytt tónlistarsena Íslands, sem spannar allt frá hipphopp tónlist til klassískrar tónlistar á heimsmælikvarða, vekur eftirtekt erlendis nú sem aldrei fyrr. Sigur Rós og Björk hafa eflaust rutt brautina fyrir komandi kynslóðir en eitt er þó víst, að fjöldi íslenskra tónlistarmanna sem spilar út fyrir landsteinana er hreint ótrúlegur miðað við höfðatölu.

Erfitt er að meta hvort íslenska náttúran sé áhrifavaldur þegar kemur að sköpun tónlistar eða að aldagömul hefð Íslendinga fyrir kvæðaskap og ljóðskrifum spili þar inn í. Þeim spurningum verður seint svarað. Við munum einungis bjóða með stolti tónlistarfólkið okkar velkomið og það er von okkar að þið njótið veislunnar. 

Efst á baugi