Dagsetning
1. desember
kl. 11:00-12:30
Aðgangseyrir
Nei
Upplýsingar um viðburð eru á ábyrgð skipuleggjanda

Við erum lykillinn að ...

Landbúnaðarháskóli Íslands, Vesturland

Stúdentar munu sameinast og halda daginn hátíðlegan að morgni 1. desember. Viðburðir verða á fimm mismunandi stöðum og munu öll stúdentafélögin, námsmenn erlendis og LÍS bjóða upp á mismunandi atriði, öll byggð á sama grunni; „Við erum lykillinn að …“. Hann byggist á eftirfarandi yfirheiti: Það þýðir í grunninn að við sem stúdentar berum ábyrgð á næstu 100 árum af fullveldi Íslands. Við munum horfa til framtíðar, hvað við ætlum að gera og getum gert til þess að nýta okkur fullveldið til framfara og ekki leyfa því að verða að sjálfsögðum hlut!

Þessum skilaboðum verður komið á framfæri með nýstárlegum og gagnkvæmum hætti sem ætti að vekja athygli allra.

Í Borgarfirði munu Nemendafélag Háskólans á Bifröst og Nemendafélag Landbúnaðarháskóla Íslands sameinast og halda viðburð saman. Þar verða nemendur Landbúnaðarháskólans með atriði sem tengja landbúnað, framtíð hans og mikilvægi, við fullveldið. Nemendur á Bifröst munu nálgast fullveldið á annan hátt, þau munu fjalla um það og mikilvægi þess í samhengi stjórnmála og lýðræðis og mikilvægi þess að viðhalda því. Atriðin verða í formi ræðuhalda, sýninga á afrakstri vinnu innan skólanna og myndasýninga.

Tengiliður viðburðarins er Leifur Finnbogason, sími: 8672358, netfang:  leifurf17@bifrost.is

Efst á baugi